“Müsəlman nəşriyyatçılar bir-birilərinə yaxınlaşmalıdırlar”

Nəşriyyatla əlaqədar müsəlman ölkələrin beynəlxalq dairələrdə iştirakı bu həqiqəti aşkarlayır ki, müsəlman nəşr sənətinin forma və çərçivə məsələsində münasib vəziyyəti vardır. Müsəlman Nəşriyyatçılar Beynəlxalq Birliyi iclasının keçirilməsinin əsas fəlsəfəsi müsəlman nəşriyyatçıları bir-birilərinə yaxınlaşdırmaqdır.

Müsəlman Nəşriyyatçılar Beynəlxalq Birliyinin baş katibi bu birliyin iclasında deyib: Qərb nəşriyyatı müsəlman nəşriyyatçılar üçün münasib deyildir. İslam nəşriyyatındakı mövcud zəngin məzmuna görə çalışırıq ki, qərb nəşriyyatının qarşısını alaq. Bu məsələ müsəlman nəşriyyatçıların səyini tələb edir.

Zarei-Nəcəfdəri söyləyib: Müsəlman nəşriyyatçıların ilk iclasında 32 ölkə iştirak etdi. Bu say 2-ci iclasda 41 ölkəyə çatdı. Bu şuranın 14 üzvünü 12 ölkə- İran, Əlcəzair, Kanada, Misir, Seneqal, Şri-Lanka, Livan, Türkiyə, Əfqanıstan, İndoneziya, Braziliya və Azərbaycanın nəşriyyatçıları təşkil edirlər.

Zarei-Nəcəfdəri Azərbaycan Respublikasının son illərdə kitab və islam materiallarının nəşri üçün məhdudiyyətlər tətbiq etdiyi və buna görə Azərbaycanın bu birlikdəki iştirakının hansı səviyyədə olacağı ilə bağlı Səhər telekanalı müxbirinin sualına cavabda deyib: Müsəlman Nəşriyyatçılar Beynəlxalq Birliyi qeyri-hökumət təşkilatıdır. Onun üzvlərinin hökumətlərlə heç bir əlaqəsi və müxtəlif ölkələrin daxili siyasətlərinin bu birliyin hərəkətində təsiri yoxdur.

Xatırlatmaq lazımdır ki, Müsəlman Nəşriyyatçılar Beynəlxalq Birliyinin 3-cü iclası günəş ili 1392-ci ilin tir ayında keçiriləcək.