London polisi İngiltərə kraliçasının iqamətgahı olan Bekinqham sarayı yaxınlığında çıxan qarşıdurmanın ardınca, 11 nəfəri həbs edib.
Narazı kütlə noyabrın beşində hökumətin sərt iqtisadi tədbirlərinə etiraz olaraq Anonimos qrupunun dəvəti ilə Bekinqham sarayı qarşısında maskalı aksiya keçirib.
Dünən axşam keçirilən bu aksiyada yüzlərlə nəfər iştirak edib. İngiltərə kraliçasının iqamətgahı qarşısında piket təşkil edən aksiya iştirakçılarının üzlərində hökumətlər əleyhinə mübarizədə bir simvola çevrilən Qay Faks maskası olub.
Bu aksiya hökumətin sərt iqtisadi siyasətlərinə, korrupsiyaya və casusluq proqramlarına etiraz olaraq keçirilib.