“Açıq səmalar” müqaviləsinin qəbul olunmasının ardınca işğal olunmuş Fələstində yerləşən 3 aviasiya şirkətinin işçiləri tətil keçiriblər. Əl-Cəzirə telekanalının məlumatına görə, sionist rejimin 3 aviasiya şirkətinin yüzlərlə işçisi bu rejimin baş naziri- Benyamin Netanyahu tərəfindən “Açıq səmalar” müqaviləsinin qəbul olunmasına etiraz olaraq tətil keçirib.
Etirazçılar Netanyahunun ofisi qarşısına toplaşaraq, şinləri yandırmağa başlayıblar. “Açıq səmalar” müqaviləsinə əsasən, işğal olunmuş Fələstin ərazilərinə uçuş məhdudiyyətləri azalacaq və Avropa şirkətləri arasında rəqabətlərin artması ilə bilet qiyməti aşağı düşəcəkdir.