Ermənistanın istənilən təşkilatı ilə əməkdaşlıq qadağandır!

Ermənistanın istənilən təşkilatı ilə əməkdaşlıq edən Azərbaycan vətəndaşları cinayət məsuliyyətinə cəlb olunacaqlar. Azərbaycan Respublikası Parlamenti bu barədə qərar qəbul edib.

Torpaqlar işğaldan azad edilənə qədər təcavüzkar dövlətin istənilən sahəyə məxsus təşkilatı və qurumu, həmçinin onların təmsilçiləri ilə əməkdaşlıq edən Azərbaycan vətəndaşı cinayət məsuliyyətinə cəlb olunacaq. Bu, yeni hazırlanmış “Azərbaycan Respublikasının işğal edilmiş əraziləri haqqında” qanun layihəsinin 7-ci maddəsində təsbit olunub.

Maddədə, “sülh” danışıqlarında iştirak edən mərkəzi icra strukturlarının, diplomatik nümayəndəliklərin təmsilçiləri, Milli Məclisin qərarı ilə müvafiq səlahiyyət verilmiş şəxslər istisna olunur.