Ali-Xəlifə rejimi qüvvələrinin Bəhreynin müxtəlif məntəqələrində məscidləri dağıtmaq məqsədilə etdikləri hücumları davam edir.
Əl-Aləm Telekanalının verdiyi məlumata görə Ali-Xəlifə rejiminin qüvvələri Bəhreynin Biladi-Qədim məntəqəsində yerləşən Şeyx Fazil Osfori məscidinə hücum edərək, bu məscidi dağıdıblar.
Ali-Xəlifə rejiminin muzdurları həmçinin Bərburədə İmam Baqir(ə) məscidinə , Səlmabadda İmam Sadiq(ə) məscidinə, Məqşədə Şeyx Hemad məscidinə və Senabsda İmam Müctəba(ə) məscidinə hücum ediblər.
Mövcud statistikalara əsasən 2011-ci milad ilinin fevral ayında Bəhreyndə xalq qiyamının başlanmasından bəri, onlarla etirazçının həlak olması və yüzlərlə şəxsin həbs olunmasından əlavə, bu ölkədə əllidən çox məscid Ali-Xəlifə rejiminin qüvvələri tərəfindən dağıdılıb və Ali-Xəlifə rejimi hələ də dağıdılmış məscidləri yenidən bərpa etməkdən imtina edir.