Bu gün şənbə 10 rəcəb 1435-ci h.q, 10 may 2014-cü milad ili şiələrin doqquzuncu imamı Həzrət İmam Məhəmməd Təqi (əs)-ın doğum gününə təsadüf edir.
İmam Məhəmməd Təqi (əs) 195-ci qəməri ili rəcəb ayının 10-da Mədinə şəhərində dünyaya göz açıb və əziz atası Həzrət İmam Rza (əs)-ın şəhadətindən sonra, müsəlmanların rəhbərliyi vəzifəsini üzərinə götürmüşdür.
Cavadül-Əimmə ləqəbi ilə tanınan 9-cü İmam öz bərəkətli ömrü boyunca xalqı islam elmləri ilə maarifləndirmək üçün hər bir fürsətdən istifadə edərək qeyri-ilahi düşüncələrin müsəlmanlar arasında nüfuz etməsinin qarşısını aldı.
İranın müsəlman xalqı dünən axşam və bu gün həmin əzəmətli imamın milad günü münasibəti ilə dini məkanlara toplaşaraq xüsusi mərasimlər keçiriblər. İranın şimal şərqində yerləşən Məşhəd şəhərində İmam Rza (əs)-ın gözəl ziyarətgahı və Tehranın cənubunda yerləşən Qum şəhəri və digər imamzadələr və dini məkanlarda həmin gün münasibəti ilə xüsusi mərasimlər və tədbirlər keçirilib.
İran İslam Respublikasının Tele-Radio Təşkilatının sərhədaşırı bölüməsinin Azeri Radiosu həmin münasibətlə bütün müsəlman bacı-qardaşları və dünyanın digər azadlıqsevərlərini səmimi qəlbdən təbrik edir.