ABŞ prezidenti Barak Obama Suriyaya qarşı planlaşdırılmış hücum əməliyyatını gerçəkləşdirmək üçün Konqres üzvlərindən istəyib ki, bu barədə qərar qəbul etdikləri zamanı gözlərini bağlamasınlar.
Barak Obama bu gün öz həftəlik çıxışı zamanı deyib: Konqresmenlər Suriyaya hücumla bağlı qərar çıxartdıqları zaman gözlərini açıq tutmalıdırlar və bu ölkənin kimyəvi silahdan istifadə etməsinə göz yummamalıdırlar.
ABŞ prezidentinin Suriya hökumətini kimyəvi silahlardan istifadə etməkdə ittiham etməsinə rəğmən Dəməşq bu xüsusda araşdırmalar aparması üçün BMT-nin faktaraşdırıcı heyəti ilə tam əməkdaşlıq edir.