İran İslam Respublikasının xarici işlər naziri Suriyada ifratçı qrupları silahlandırmaq və təchizatlandırmaqda bəzi ölkələrin rəftarını tənqid edərək bu rəftarı bu ölkədə gərginlik və toqquşmaların artmasının səbəbi adlandırıb.
İranın xarici işlər naziri Əli Əkbər Salehi çərşənbə axşamı günü İndoneziya xarici işlər nazirinin müavini Yuri Temrinlə görüşdə ikitərəfli, regional və beynəlxalq məsələlər barəsində fikir mübadiləsi aparıb.
Önəmli beynəlxalq məsələ olaraq Suriya böhranına toxunan Salehi bu böhranın həllində daxili dialoq, məntiqi strategiya və tərəfsizliyi vurğulayıb və Suriyadakı ifratçı qrupların silahlandırılmasında bəzi ölkələrin rəftarını tənqid edərək bu rəftarı həmin ölkədə gərginliyin artmasının amili adlandırıb.
İndoneziyanın xarici işlər nazirinin müavini də İranın beynəlxalq arenadakı yerinə toxunaraq İranla münasibətlərin inkişafını müsbət qarşılayıb.