İran İslam Respublikası prezidenti deyib: Avropa Parlamenti İranın böyük xalqına hörmətsizlik edə bilməz.
İİR Prezident Administrasiyasının mətbuat xidmətindən verilən məlumata görə, İran İslam Respublikası prezidenti Həsən Ruhani bazar ertəsi günü İslam Şurası Məclisinin üzvləri, dövlət rəsmiləri və siyasi fəallar ilə görüşdə Avropa Parlamentinin İranla bağlı son qətnaməsinə işarə edərək, deyib: Bu kimi qətnamələrin heç bir dəyəri yoxdur və ötən dörd ildə son qətnamə ilə müqayisədə daha kəskin xarakter daşıyan altmış qətnamə Avropa Parlamenti tərəfindən İrana qarşı qəbul olunub ki, heç bir dəyəri olmayıb və onlar barəsində hay-küy salan da olmayıb.
İran prezidenti əlavə edib: Avropa Parlamentinin qətnaməsi nüvə məsələsində müzakirələrə və sırf diplomatik imkanlardan istifadəyə təkid kimi bəndlərə də malikdir ki, bəzi ABŞ rəsmilərinin bütün seçimlərin masa üzərində olması ilə bağlı iddiaları ilə tamamilə ziddiyyət təşkil edir.