İran İslam Respublikasının Atom Enerjisi üzrə Təşkilatının sədri İranın nüvə elmində texniki və sənaye ixracatı bacarığına malik ölkə kimi təqdim olunmasını Rusiyanın atom obyektlərində iştirakın məqsədlərindən adlandırıb.
Firidun Abbasi bu gün Rusiyanın Sankt-Peterburq şəhərində jurnalistlərə verdiyi açıqlamasında deyib: Sankt-Peterburq 2013 Atom Ekspo Beynəlxalq sərgisi, eləcə də 21-ci əsrdə Nüvə Enerjisi Beynəlxalq Konfransında İran heyətinin iştirakında məqsəd nüvə enerjisi sahəsində İranın texniki-mühəndislik xidmətlərinin ixracatının yüksək potensiallarını təqdim etməkdir.
Abbasi nüvə yanacağının müxtəlif istehsalı, nüvə reaktorlarının dizaynı və istehsalı, o cümlədən hovuz və ağır su tədqiqat reaktorlarının istehsalında İranın özünü təminə çatdığını bildirərək deyib: İran nüvə enerjisindən sülhməramlı istifadənin genişləndirilməsi sahəsində beynəlxalq səviyyədə diqqəti cəlb edəcək paya malikdir.