İran İslam Respublikasının prezidenti- Doktor Mahmud Əhmədinejad İslam Şurası Məclisinin sədri və məclisin 90-cı Prinsip Komissiyasının şikayəti ilə məhkəməyə çağırtdırılıb.
90-cı Prinsip Komissiyasının sədri- Məhəmməd Əli Purmuxtar bu məsələni təsdiq edib.
İran İslam Respublikasının prezidentindən məhkəməyə şikayətin səbəbi, İdman Nazirliyinin təşkili qərarının vaxtında icra olunmaması, Neft Nazirliyində qanun pozuntusu və məclisin qərarlarının elan edilməsi tərzində bəzi qanun pozuntusu elan olunub.
Əksər Tehran qəzetləri bu gün Əhmədinejadın məhkəməyə çağırtdırılmas xəbərini geniş surətdə işıqlandırıblar.
Digər tərəfdən,dövlətin mətbuat orqanı olan İran qəzeti öz müsahibələri və reportajlarında ölkə prezidentinin məhkəməyə çağırtdırılmasını məzəmmət edərək, bunu misli görünməmiş bir hərəkət adlandırıb.