Nyu-York və Nyu-Cersi ştatlarında yaşayan misirlilər Misir ordusunun bu ölkə prezidenti Məhəmməd Mursiyə qarşı çevrilişinə etiraz olaraq, BMT-nin Nyu-Yorkdakı Baş Qərargahı qarşısında aksiya keçiriblər.
Piket iştirakçıları əllərində Misir tarixinin ilk seçilmiş prezidenti Məhəmməd Mursinin fotoşəkillərini daşıyıblar. Onlar, BMT baş katibindən istəyiblər ki, Misir olayları və Mursiyə qarşı çevrilişə laqeyd yanaşmasın.
Amerikada yaşayan misirlilər həmçinin, bəzi Qərb dövlətlərinin razılıq əlaməti olaraq, Misirdə cərəyan edən hadisələr qarşısında sükut etmələrini qınayıb və “Nə üçün demokratiya iddiasında olan Amerika və digər Qərb ölkələri Misir olayları qarşısında sükut edirlər?” sualını gündəmə gətiriblər.
Piket iştirakçıları həmçinin Nyu-Yorkda BMT-nin binası qarşısında cümə namazı qılıblar.