Rusiya xarici işlər nazirinin müavini İranın öz nüvə proqramının dinc məqsədlərə xidmət mahiyyəti daşıdığını göstərməli olduğunu bildirərək, İrana qarşı bəzi sanksiyaların azaldılması ehtimalından xəbər verib.
Rasha Today telekanalına istinadla verdiyi məlumata görə, İran və 5+1 Qrupu arasındakı müzakirələrdə iştirak etmək üçün diplomatik heyətlərin Almatıya daxil olmaları ilə bir vaxtda Sergey Ryabkov deyib: İranın öz nüvə fəaliyyətlərinin dinc məqsədlər üçün olduğunu sübut edə biləcəyi təqdirdə, yeni müzakirələr məsələnin həllinə kömək edə bilər. Ryabkov belə olacağı təqdirdə bəzi sanksiyaların azaldılması ehtimalından söz açıb.
Sergey Ryabkov Almatı müzakirələrində Rus nümayəndə heyətinə rəhbərlik edir.
Ryabkov Almatı müzakirələrinin uğurunu müzakirə tərəflərinin həqiqi iradəsi və məsələnin həlli istiqamətində qarşılıqlı olaraq öhdəliklərin qəbul edilməsi ilə şərtləndirib.
Rusiya xarici işlər nazirinin müavini həmçinin, Moskvanın ötən müzakirələrin nəticəsinin zəif olmasından narahat olduğunu bildirib.
