Livan Hizbullahının baş katibi Avropa Birliyinin Hizbullahın adını terrroçu təşkilatlar siyahısında dərc etmək haqdakı qərarını sionist rejimlə Amerikanın uzunmüddətli təzyiqlərindən irəli gələn bir addım adlandırıb.
Seyid Həsən Nəsrullah Beyrutda Müqaviməti dəstəkləyən qadınların iftar mərasimindəki mühüm çıxışında Livan Müqavimətinin daim mübariz xalq və Müqavimət əhli tərəfindən dəstəklənməsinə işarə edib, imperialist qüvvələr və sionizmin bu cəbhəyə qarşı hərtərəfli hücumlarını təbii adlandıraraq, deyib: Müqavimət daim mərkəzdə duraraq, heç vaxt kənarda olmayıbdır və təsirli və fəal Müqavimətin hücuma məruz qalması təbiidir.
O, sonra yazıb: Bu qərar əsla gözlənilməz olmayıbdır. Əlbəttə, avropalıların belə bir inamı yoxdur və bu qərarı özləri çıxarmayıblar; onlar Amerika və sionist rejimin uzunmüddətli təzyiqlərinə təslim olublar.
Livan İslami Müqavimətinin başçısı əlavə edib: Avropa özünün bu hərəkəti ilə sionist rejimin Livana qarşı təcavüzlərini siyasi çətir altına alıb və özünü sionist rejimin Livana olan bütün təzavuzlərinə şərik edibdir.
Nəsrullah sonra sionistlərin Avropanın bu qərarından şadyanalıq etmələrinə işarə edərək, bəzi livanlı qruplara xəbərdarlıq edibdir ki, əgər şadyana olmaq istəyirlərsə, öz sevinclərini gizlətsinlər ki, Netanyahuya və digər sionistlərə bənzəməsinlər.
Nəsrullahın sözlərinə görə, sionist rejim Livana qarşı bütün hücum və təcavüzlərində Avropa Birliyinin hazırkı himayəsinə oxşar dəstəklərə malik olub və Avropa ölkələri bu layihəni qəbul etməklə öz etibarları, prinsip və hakimiyyətlərini şübhə altına aldılar.
Livan Hizbullahının baş katibi vurğulayıb: Müqaviməti terrorçuluqda ittihamlandırmaq, Livanın dövləti və xalqına qarşı hörmətsizlikdir. Avropa etiraf edir ki, sionist rejim ərəb ölkələrinin ərazilərini işğal edib, lakin bununla belə, bu rejimi terrorçu bilmir, zira beynəlxalq prinsip və əsaslara sadiq deyil və yalnız təzyiqlərə boyun əyir.
Nəsrullah əlavə edib: Dünya ölkələrinin doxsan faizi İsrail rejiminin 2006-cı ildə Livana qarşı təcavüzünü himayə edirdi, lakin bu rejim Livanı məğlub edə bilmədi. İndi də bu qərar bizim ruhiyyəmizə heç bir təsir göstərməyəcək.
O, sonra Avropa Birliyini bu qeyri-düzgün qərarı yenidən nəzərdən keçiməyə və ondan geri çəkilməyə çağırıb.
