ABŞ Milli Təhlükəsizlik Agentliyi “Microsoft” şirkətinin əməkdaşlığı ilə “Skype”ın bütün video danışıqlara, “Hotmail” və “Outlook”da göndərilən mesajların məzmununa, eləcə də “Sky Drive”da saxlanılan məlumatlara tam nəzarət edir.
Gardian qəzetinin yazdığına görə, “Microsoft” şirkətinin öz yeni təbliğat şüarlarında “Sizin şəxsi həyatınız, bizim şəxsi həyatımızdır” bildirsə də, lakin ABŞ Milli Təhlükəsizlik Agentliyinin təşkilat daxili məktubları göstərir ki, məlumatlara nəzarət şirkətlərin rəsmilərinin məlumatı ilə həyata keçirilib və bu məsələ hələ də öz qüvvəsindədir.
Sənədlər göstərir ki, “Skype” 2011-ci ilin fevralından yəni “Microsoft” tərəfindən satın alınmamışdan 8 ay öncə “Prism” proqramına daxil olub.