İranın xarici diplomatiya idarəsinin başçısı Almatı-2 müzakirələrinə nikbin olduğunu deyərək, 1392-ci günəş ilinin sanksiyaların tədricən ləğv edilməsi ili olacağını bildirib.
Əli Əkbər Salehi bazar günü Beninin xarici işlər naziri ilə görüşüb, danışıqlar apardıqdan sonra müştərək bir mətbuat konfransında Almatı-1 müzakirələrində müsbət addımların atıldığını bildirib və deyib: İran və 5+1 Qrupu qərara alıblar ki, qarşılıqlı formada düzgün yolda addımlasınlar və müzakirələri doğru istiqamətə yönəltisnlər. Buna görə də biz Almatı-2 müzakirələrinə ümidvarıq.
Salehi əlavə edib: İran Allahın lütfü və öz imkanları hesabına maneələri bacardığı qədər aşmağa və sanksiyaların öhdəsindən gəlməyə çalışıb və bir çox sahədə sanksiyaları zərərsizləşdirib.
İranın xarici işlər naziri daha sonra deyib: Onlar necə rəftar edərlərsə biz də ona uyğun addımlar atacağıq və ümidvarıq gələcəkdə bu maneələrin tədricən ləğv edilməsinin şahidi olaq.
Ə.Salehi sonda deyib: Xoşbəxtlikdən Qərb Almatı-1 müzakirələrində ilk dəfə olaraq öz mövqeyinə düzəliş etmiş oldu və ümidvarıq onlar bu yolda sabitqədəm olsunlar.
