Ərəbistan rejimi bu ölkə xalqının etiraz aksiyalarını repressiyaya məruz etmək üçün minlərlə iordaniyalı hərbçini muzdlu olaraq işə götürüb.
Ərəbistanın təhlükəsizlik rəsmiləri bu ölkənin xalq etiraz aksiyalarını repressiyaya məruz etmək üçün minlərlə iordaniyalı hərbçinin Ərəbistana muzdlu olaraq köçürülməsi üçün İordaniya rəsmiləri ilə anlaşma imzaladıqlarından xəbər verib.
2013-cü il martın 11-də İordaniya paytaxtı Əmmanda imzalanmış razılaşmaya əsasən İordaniya özünün 4 min hərbçisini Ərəbistana göndərəcəkdir ki, Ərəbistan xalqını yatırmaqda Ali-Səud rejimi hərbçilərinə yardım etsinlər”.
Bu məlumatın davamında bu 4 min iordaniyalı hərbçinin aylıq maaş və ev kirayəsi xərclərini almaqdan əlavə, başqa imtiyazlara da malik olacaqları da qeyd olunub.
Siyasi ekspertlər, Ərəbistanda xalq etiraz aksiyalarının genişlənməsi habelə bu ölkənin bəzi hərbi və məhkəmə rəsmilərinin etirazçılar sırasına qoşulmasına görə, Ali-Səud rejiminin Ərəbistan xalqını repressiya etmək üçün xarici hərbçilərin yardımlarını cəlb etməyə cəhd göstərməsindən xəbər veriblər. Analitiklər həmçinin Ərəbistanın Ali Məhkəməsinin hakimi Naif Bin Əli Əl-Qəfari-nin istefa verməsinin bu ölkənin bəzi məsul şəxslərinin etirazçılarla həmrəyliyinin nişanəsi olduğunu bildirirlər.
Ərəbistanda hökumət əleyhinə xalq etiraz aksiyaları 2011-ci ilin əvvəllərindən xüsusilə bu ölkənin şərq məntəqələrində başlanıbdır.