İran islam şurası məclisinin milli təhlükəsizlik və xarici siyasət komissiyasının üzvü Tehranın nüvə müzakirələrinə nəzarətçi bir şurasının təşkil ediləcəyindən xəbər verib.
Bu şura İranın bəzi yüksək vəzifəli rəsmiləri və ölkənin 3 qüvvə rəhbərinin iştirakı ilə təşkil ediləcək.
İslam şurası məclisinin milli təhlükəsizlik və xarici siyasət komissiyasının üzvü , ” Məhəmməd İsmayil Kövsəri ” bir müsahibədə Tehranın nüvə müzakirələrinin gücləndirilməsinə dair Cenevrə görüşündən sonra İranın nəzərdə tutduğu şuranın siyasət meyarlarının çərçivəsinə işarə edərək deyib : Bundan sonra , İranın nüvə müzakirəsinin cəhətləri və siyasətləri bu şurada müəyyənləşdiriləcək və müzakirəçi heyət də bu çərçivədə həmin danışıq və qərarları həyata keçirməyə vəzifəlidir .
Onun sözlərinə görə, bu şuranın tədbirləri ölkənin bəzi yüksək vəzifəli rəsmiləri və İranın üçlü qüvvə rəhbərlərinin iştirakı ilə təşkil edilməkdədir və nüvə məsələləri və müzakirələri barədə bir sıra qərarlar çıxarılıb.
İran və Altılıq qrupu Cenevrə razılaşmasının maddələrinin həyata keçirilməsi sahəsində anlaşmanın əldə edilməsini bildiriblər.
Qeyd edək ki , ötən noyabrın 24-də İranla Altılıq qrupu arasında imzalanmış razılaşmadan bəri ekspertlər səviyyəsində 3 dövr görüş keçirilib.
Müzakirəçi heyətlər Cenevrə razılaşması maddələrinin həyata keçirilməsinin tarixi və zamanını müzakirə etmək üçün bu görüşlərdə iştirak etmişdilər.
