İran İslam Respublikasının xarici işlər naziri Əli Əkbər Salehi BMT baş katibinə ünvanladığı məktubda Suriya hökuməti müxaliflərinin bu ölkə xalqına qarşı kimyəvi silahlardan istifadəsini pisləyərək belə hadisələrin təkrarlanmasının qarşısını almaq üçün BMT-nin önləyici addımlar atmasını istəyib.
İranın xarici işlər naziri bu məktubda qeyd edib: İran İslam Respublikası kimyəvi silahlardan istifadənin böyük qurbanı olaraq bu anti-bəşəri cinayəti pisləyir, kimyəvi silahlardan istifadənin qadağası və digərlərinə kömək, o cümlədən terrorçu qruplaşmalara kimyəvi silahlardan istifadə etmək üçün kömək etməyin qarşısının alınması üzrə bütün ölkələrin məsuliyyətini xatırladaraq bütün dövlətlər və beynəlxalq təşkilatlar, o cümlədən BMT-dən açıq-aşkar və təcili olaraq bu anti-bəşəri cinayəti pisləməkdən əlavə, onun təkrarlanmasının önlənməsi üçün istənilən addımı atmaqdan çəkinməmələrini istəyir.
Bu məktubda həmçinin bu cinayət və Suriyada terrorçular üçün zəhərli kimyəvi maddələri təmin edənlərin və amillərin cəzalandırılması barəsində müstəqil təhqiqat qrupunun yaradılması tələb olunub.
Suriya televiziyası da Rusiyanın BMT-dəki daimi nümayəndəsi Vitali Çurkinə istinadən bildirib: Suriyada kimyəvi silahlardan istifadənin araşdırılması üçün BMT-nin fakt-araşdırıcı komitəsində Şimali Atlantik Alyansı NATO üzvləri üzv olmamalıdırlar.