İran İslam İnqilabının Böyük Rəhbərinin ofisinin İstehlal(yeni ayın başlanmasını təyin etmə) Qərargahının üzvü Şəvval ayının bu gecə müşahidə edilməsi ehtimalının zəif olduğunu deyərək, bildirib: Proqnozlara görə, Fitir bayramı cümə gününə təsadüf edəcək.
Höccətülislam Əlirza Müvəhhidnejad çərşənbə günü bir mətbuat konfransında deyib: Mütəxəssis rəyinə əsasən cümə günü Şəvval ayının biri və Fitr bayramı günüdür.
O, çərşənbə günü 150 istehlal qrupunun ölkənin müxtəlif məntəqələrində yerləşdiriləcəyini bildirərək, əlavə edib: Əgər proqnozların əksinə olaraq İstehlal Qərargahına ayın görünməsi ilə bağlı etibarlı məlumat daxil olarsa, ən qısa zamanda xalqın diqqətinə çatdırılacaq.
