Rusiya xarici işlər naziri Sergey Lavrov RİA Novosti İnformasiya Agentliyinə müsahibədə bildirib: Suriya barəsində beynəlxalq konfransı təşkil edənlər və təxminən bütün iştirakçılar İranın bu konfransdakı iştirakının əhəmiyyətini qəbul edirlər.
“Əldə etdiyimiz məlumatlar İranın Suriya qarşıdurmasının həlli prosesində müsbət təsir qoyacağını göstərir” –deyə Lavrov bildirib.
Rusiya xarici işlər naziri əlavə edib: Demək olar ki, hamı xüsusi müzakirələrdə İranın bu konfransdakı iştirakına toxunub və bəziləri də açıq-aşkar bildirirlər ki, konfrans İran kimi önəmli iştirakçıdan məhrum olmamalıdır.
Rusiya xarici işlər nazirinin sözlərinə görə, İranın iştirakına mane olanlar müzakirələrdə inkişafla bağlı məsələlərə görə deyil, ideoloji məsələlərə görə bunu edirlər.
