Ərəb Liqası baş katibinin Fələstin məsələləri üzrə müavini sionist qəsəbələri fələstinlilərlə sionist rejim arasındakı saziş müzakirələrinin qarşısında önəmli maneə adlandırıb.
Məhəmməd Səbih televiziya müsahibəsində ötən 6 ay ərzində Fələstin bölgələrində sionist qəsəbələrin inşa prosesinin artmasına toxunaraq bu qəsəbələrin inşasını sionist rejimin məqsədlərini irəlilətmək və saziş müzakirələrindən çıxmaq istiqamətində Fələstin tərəfinə təzyiq göstərmək üçün strateji vasitə adlandırıb.
1993-cü ildə Fələstin və sionist rejim başçıları arasında imzalanan Oslo anlaşmasına əsasən 1967-ci il ərazilərində müstəqil Fələstin ölkəsinin təşkil olunması qərara alındı. Lakin sionist rejim Fələstin məntəqələrində minlərlə yaşayış massivi və qəsəbələr inşa edərək müstəqil Fələstinin təşkil olunmasını qeyri-mümkün etməyə çalışır.
