ABŞ prezidenti kimyəvi silahlara beynəlxalq nəzarətlə bağlı Rusiyanın təklifinə reaksiyada, bu təklifi ciddi qəbul etdiyini və reallaşacağı təqdirdə hərbi hücum əməliyyatını durdura biləcəyini deyib.
Barak Obama Moskvanın təklifini öz-özlüyündə müsbət təklif adlandırıb və deyib: Əgər Suriya öz kimyəvi silahlarını təhvil verərsə, bu ölkəyə qarşı hərbi əməliyyatları durdurmaq olar.
B.Obama əlavə edib: Əgər Rusiyanın təklifi həqiqətən reallaşarsa, Suriyaya qarşı hərbi əməliyyatları durdurmaq olar.
ABŞ prezidenti San-Peterburqda 20-lər qrupunun sammiti zamanı rusiyalı həmkarı Vladimir Putin ilə bu mövzuda söhbət etdiklərini də xatırladıb.
Rusiya xarici işlər naziri Sergey Lavrovdan bu sözlərə reaksiya gecikmədi.
S.Lavrov bu təklifin Suriya hökumətinin diqqətinə çatdırıldığını və qısa zamanda şəffaf bir cavab ala biləcəyinə ümidvar olduğunu vurğulayıb.
Suriyanın xarici işlər naziri Vəlid Müəllim də bu təklifi müsbət qarşılayıb.
Obama CNN kanalına verdiyi eksklüziv müsahibəsində həmçinin, Suriya məsələsi ilə bağlı siyasi həll yolunu hərbi seçimə üstünlük verdiyini deyib.
ABŞ prezidenti həmçinin Konqresin Suriyaya hərbi müdaxilə ilə müxalifət edəcəyi təqdirdə Suriyaya hücum etməyəcəyini də bildirib.