YAP icra katibinin müavini Siyavuş Novruzov Sabirabaddakı Milli Şuranın aksiyası ilə bağlı deyib ki, bu qurumun 3-4 gün ömrü qalıb.
APA-ya açıqlamasında hakim Yeni Azərbaycan Partiyasının (YAP) icra katibinin müavini həmçinin deyib ki, hazırda Milli Şuranın daxilində çox ciddi problemlər var: “ Milli Şuranın sədri Rüstəm İbrahimbəyov bunlara rəhbərlik etmək əvəzinə özünə pul qazanmaqla məşğuldur.
“Bu gün faktiki olaraq orada AXCP və Müsavatdan başqa heç kim iştirak etmir. Bu partiyalar da namizədləri Cəmil Həsənlini axırda ortada qoyub qaçacaqlar. Milli Şura cəmi 9 görüş keçirib. Xüsusilə bunların Sabirabad görüşlərində baş verən biabırçılıq, əhalinin bunlara münasibəti, iradları və s. bunların iç üzünü açdı.”-deyə Siyavuş Novruzov bildirib.
