Fransanın böyük şirkətləri İranla 5+1 qrupu arasında imzalanmış razılaşmadan sevinirlər.
Fransada çıxan La tribun qəzetinin internet saytı bir məlumatda bu məqama toxunaraq yazıb: Qərb tərəfindən İrana qarşı qoyulmuş sanksiyalardan ziyan görən Fransa şirkətləri Tehranla Altılar qrupu arasında nüvə razılaşmasının imzalanmasına görə xeyli sevinirlər.
İran kimi mühüm bazarları itirən Fransanın maşın qayırma zavodları ,baş verən bu son hadisəyə laqeyd yanaşmırlar . Fransada maşın qayırma sahəsində fəal olan Peugeot maşın qayırma zavodunun sözçüsü bu məsələyə münasibətini bildirib. O deyib: Ticarət şərikimiz olan İranla iqtisadi münasibətlərin yenidən qurulması istiqamətində hər bir şey yaxşılaşmağa və optimallaşmağa üz qoymaqdır. Qeyd etmək lazımdır ki, Peeugeot şirkətinin İrandakı ticarət fəaliyyətləri , Tehrana qarşı qoyulan sanksiyalara görə, ötən il 68 faiz aşağı düşmüşdü.
Sözü gedən şirkətin baş müdirinin sözlərinə görə bu məsələ hər ay bu şirkət üçün 10 milyon avro ziyan gətirmişdir. Bu əsnada Renault maşın qayırma zavodunun ictimai əlaqələr şöbəsi də Tehranla 6-lıq qrupuna üzv ölkələr arasında imzalanmış razılaşmaya işarə edərək qeyd edib: Bu xəbər sevindirici bir haldır, çünki İran Renault maşınqayırma zavodunun böyük ticarət şəriklərindən biridir.
La tribun qəzetinin yazdığına görə Tehran-Paris ticarət dövriyyəsinin həcmi 2006-cı ildə 4 milyard 500 milyon avro olmuşdur. Lakin 2013-cü ilin təqribən 3-cü rübündə 379 milyona çatıb.
Qəzet habelə nüvə razılaşmasının imzalanmasına işarə edərək yazıb: Bur razılaşma neft şirkətinin İranla yenidən əməkdaşlıq etməyə başlaması üçün əlverişli zəmin yaradıb.
