Tehranın bu həftəki cümə namazının xətibi Avropa Birliyinin Livan Hizbullahına qarşı son hərəkətini pisləyib.
Tehranın cümə namazının xətibi Höccətülislam vəlmüslimin Kazım Siddiqi Livan Hizbullahının hərbi qanadını öz terrorçu qruplaşmalar siyahısına salmaqla bağlı Avropa Birliyinin qərarını pisləyərək bu hərəkəti utandırıcı adlandırıb.
Avropa Birliyinin Livan Hizbullahına qarşı hərəkətini qeyri-qanuni və etikadan kənar adlandıran Tehranı cümə xitabətçisi deyib: Bu hərəkət Avropa Birliyinin son rüsvayçılığının başlanğıcı olacaq və Livan Hizbullahına xəsarət dəyməyəcək.
Tehranın cümə namazı xitabətçisi Livan Hizbullahının hərbi qanadının Avropa Birliyinin terrorçu qruplaşmalar siyahısına salınmasını qərəzli addım adlandırıb və bildirib: Sionist rejim terrorçu rejim olduğu halda Hizbullahın adını terrorçu qruplaşmalar siyahısına salmaq abırsızlıq nişanəsidir.
Höccətülislam vəlmüslimin Siddiqi Livan Hizbullahını sionist rejim ordusunun məğlubedilməzlik sirrini qıran və bütün dünya xalqlarına saxta İsrail rejiminin hörümçək torundan da zəif olduğunu nümayiş etdirən qrup adlandırıb.
Terrorçu Münafiqlər qruplaşmasının adının Avropa Birliyinin terrorçu qruplaşmalar siyahısından çıxarılmasına toxunan Tehranın cümə namazı xətibi söyləyib: Hizbullah müdafiə şəninə malik və Livanın inkişafı və istiqlaliyyəti istiqamətində hərəkət edən qrupdur.
Höccətülislam vəlmüslimin Siddiqi həmçinin Misir faciəsini təəssüfləndirici adlandırıb və əlavə edib: Suriya Misir üçün ibrətdir və sionistlər və amerikalılar Suriyada müqaviməti qırmaq üçün müharibə başlatdılar və hazırda növbə Misirindir.
Tehranın cümə namazı xitabətçisi Misirin hazırkı proseslərini sionist və amerikalıların məkrli planı adlandırıb və Misirin alimləri, ziyalıları, yazıçıları və təsiredicilərindən Misir inqilabının bəhrəsini vermək üçün yaranmış problemi aradan qaldırmalarını istəyib.
Höccətülislam vəlmüslimin Siddiqi Misirdəki qanlı hadisənin amillərinin hərəkətini pisləyərək deyib: Qarşıdurmaları tətbiq etmək və olaylar törətmək müsəlmanlar tərəfindən deyildir.
Tehranın cümə namazı xətibi sonda mübarək Ramazan ayının bərəkəti barəsində deyib: Mübarək Ramazan ayında yerinə yetirilən əməllər heç bir ayla müqayisə edilə bilməz.