İranın sərbəst güləş üzrə yığma komandası Macarıstanda keçirilən dünya çempionatında 2 bürünc medal əldə edib.
Budapeştdə keçirilən yarışlarda altmış kiloqram çəki dərəcəsində Məsud İsmailipur Azərbaycan Respublikası, Polşa və Amerikadan olan rəqibləri üzərində qələbə çalaraq, yarımfinal mərhələsinə yüksəlib. Yarımfinal mərhələsində rusiyalı rəqibi qarşısında məğlub olan İsmailipur üçüncü yer uğrunda gedən mübarizədə ermənistanlı rəqibi Artur Arakelyanı məğlub edərək, bürünc medala sahib olub.
Səksən dörd kiloqram çəki dərəcəsində isə Ehsan Ləşgəri Kolumbiya, Rusiya, Gürcüstan, Özbəkistan və İspaniyadan olan rəqiblərini məğlub edərək, bürünc medal qazanıb.
Yarışların birinci günündə iranlı güləşçilər Həsən Rəhimi və Rza Yəzdani qızıl medal əldə etmişdilər.