Ermənistana səfər edən ATƏT sədri Leonid Kojara iyulun 15-i Yerevanda Dağlıq Qarabağ separatçılarının başçısı Bako Saakyanla görüşüb.
Görüşdə Dağlıq Qarabağ münaqişəsi müzakirə olunub. Başçılıq etdiyi rejimin mövqeyini Kojaraya çatdıran Saakyan münaqişənin Minsk qrupu çərçivəsində sülh yolu ilə həllinin tərəfdarı olduğunu bildirib. ATƏT-in Budapeşt sammitində təsdiq olunmuş danışıqlar formatının bərpa olunmasının vacibliyini vurğulayan Saakyan deyib ki, Dağlıq Qarabağın bilavasitə iştirakı olmadan məsələnin əhatəli həllinə çatmaq mümkün deyil.
Qeyd etmək lazımdir ki, rəsmi Bakıda MQ çərçivəsində DQ məsələsinin həllinin tərəfdarıdır.