İran İslam Respublikasının yeni seçilmiş prezidenti cənab Həsən Ruhani prezident seçkilərində qalib gəldikdən sonra ilk mətbuat konfransında deyib: Hökumətin prioriteti öz xarici siyasətində bütün qonşu ölkələrlə dostluq münasibətləri olacaqdır. Yəni 15 qonşu ölkə ilə qarşılıqlı hörmət və mənafeyə əsasən yaxşı qonşuluq, dostluq və qarşılıqlı münasibətlərlə çox yaxın əlaqələr olacaqdır.
Fars körfəzi və onun ətrafında yerləşən ölkələr Fars körfəzinin strateji əhəmiyyətinə görə özünəməxsus xüsusiyyətlərə malikdirlər. Biz bu ölkələrlə həm qonşu, həm də qardaşıq. Qardaş olduğumuz Ərəbistanda müsəlmanların qibləgahı yerləşir. Yüz minlərlə vətəndaşımız hər il Allah Evini ziyarət etmək üçün Ərəbistana səfər edirlər. İki ölkə arasında anlaşma sahəsində çoxlu imkan vardır. Sevinirəm ki, İran və Ərəbistan arasında ilk təhlükəsizlik razılaşması 1998-ci ildə mənim imzamla imzalanmışdır.
Ümidvaram ki, gələcək hökumətdə xüsusilə Ərəbistanla çox yaxşı münasibətlərə malik olaq.
Suriya məsələsinin həlli bu ölkə xalqının öhdəsindədir. Suriyanın müqəddəratı barəsində yekun qərar Suriya xalqınındır. Əlbəttə biz terrorizmlə də, daxili müharibə ilə də müxalifik. Digər ölkələrin məsələlərinə müdaxilələrlə də müxalifik. Ümidvarıq ki, digər ölkələrlə sülh və dinclik Suriyaya qayıtsın və Suriya xalqının istədiyi olan sülh bu ölkəyə geri dönsün.
