İslam İnqilabının Böyük Rəhbərinin İranla Amerika arasındakı müzakirə mövzusu habelə İran İslam Respublikasının nüvə silahına malik olmaması üzrə mühüm sözləri dünya medialarında geniş əks-səda doğurub.
İslam İnqilabının Böyük Rəhbəri Həzrət Ayətullahülüzma Xamenei şənbə günü Təbriz əhalisindən minlərlə nəfərinin o həzrətlə şövq-zövqlü görüşlərində Amerika prezidentinin bu ölkənin İran tərəfindən nüvə silahının düzəldilməsinin qarşısının alınması üzrə səyi haqdakı neçə gün öncəki sözlərinə işarə edərək, belə söyləyiblər: “ Əgər İran nüvə silahı düzəltmək niyyətində olsaydı, Amerika heç bir vəchlə İran xalqının qarşısını ala bilməzdi”.
İslam İnqilabının Böyük Rəhbəri bir daha vurğulayıblar ki, İran nüvə silahı düzəltmək niyyətində deyildir və bu qərar da Amerikanın narahatlığına görə çıxarılmayıb, bu qərar nüvə silahını bəşəriyyətə qarşı cinayət bilən bir əqidəyə və etiqada əsaslanır.
İslam İnqilabının Böyük Rəhbərinin şənbə günü nüvə silahı habelə Amerikanın İranla müzakirə etmə istəyi haqdakı mühüm sözləri dünya medialarında, o cümlədən sionist medialarında geniş əks-səda doğurdu və bu medialar İslam İnqilabının Böyük Rəhbərinin sözlərini öz auditoriyalarına yayımladılar.
Assoşiyetidpress, Röyters, Sinxua və BBC English Xəbər Agentlikləri Belə məlumat verdilər: “ İranın Ali Rəhbəri şənbə günü bildirdi ki, İran nüvə silahı ardınca deyildir, əgər belə bir iradəyə malik olsa, dünyada heç bir qüdrət onu dayandırmağa qadir deyildir”. Bu xəbər agentlikləri İslam İnqilabının Böyük Rəhbərindən nəql edərək, bildirdilər ki, İran İslam Respublikası dünyada nüvə silahlarının məhv olmasını himayə edir.
Həmçinin Livanın Əl-Səfir qəzeti İslam İnqilabının Böyük Rəhbərinin sözlərini işıqlandıraraq, bu sözlərin Amerikanın İranla müzakirə üzrə istəyi hissəsinə işarə edərək, belə yazıb: “ İranın Ali Rəhbəri Amerikanın danışıq və rəftardakı ikili standartını ABŞ-ın məntiqsizliyinin nişanəsi adlandıraraq, belə bildirib: ABŞ, xalqların amerikanların təkəbbürlülüyü və məntiqdən uzaq olan sözlərinə təslim olmalarını gözləyir, amma İranın tam güclü və məntiqli xalqı bu təkəbbürlülüklər qarşısında təslim olmayacaq”.
İngiltərənin Qardian qəzeti və sionist Ceruzelimpost qəzeti də belə yazıblar: “ İranın Ali Rəhbəri vurğulayıbdır ki, İran nüvə silahı düzəltmək niyyətində deyil, amma əgər nüvə silahı düzəltmək niyyətində olsa idi, Amerika heç bir vəchlə İran xalqının qarşısını ala bilməzdi”.
Həmçinin Qətərin Əl-Cəzirə Telekanalı İslam İnqilabının Böyük Rəhbərinə istinadla belə məlumat verib: “ İran nüvə silahına malik olmaq istəmir”. Bu telekanal Həzrət Ayətullahülüzma Xamenei-yə istinadla belə məlumat verib: “ Amerika hazırda elə bir halda insan haqları iddiaçısıdır ki, bu ölkənin özü hazırda dünyanın müxtəlif ölkələrində insan haqlarını pozan ən əsas ölkələrdən biridir”.
Rusiyanın Raşatudey Telekanalı da Təbriz əhalisi toplusunda İslam İnqilabının Böyük Rəhbərinin mühüm sözlərini işıqlandıraraq, belə məlumat verib: “ İranın Ali Rəhbəri Qərbi tənqid edib, qərbliləri saxtakarlıqda ittiham edərək, belə bildirib: “ Amerika atom silahı istehsal etdiyi bir halda , dünyanın müxtəlif ölkələrində bu silahların məhv edilməsini istəyir”.