Bostonda keçirilən marafon yarışları zamanı 3 nəfərin ölümü, 260 nəfərin yaralanması ilə nəticələnən partlayış hadisəsində ittiham edilən Cövhər Tsaranayev hadisə qurbanlarının yaxınlarının iştirakı ilə keçirilən ilk məhkəmə iclasında günahsız olduğunu bildirib.
Cövhər Tsaranayevin ilk məhkəmə iclası ciddi təhlükəsizlik tədbirləri və geniş jurnalist iştirakı ilə keçirilib.
Daxil olan məlumatlara görə müttəhimin 2 bacısı da məhkəmə iclasında iştirak edib.
Cövhər Tsaranayev məhbuslara məxsus narıncı paltarda, əlləri və ayaqları qandallı şəkildə məhkəmə iclasına gətirilib.
Məhkəmə iclasının sonunda Tsaranayev gülümsəyərək, yaxınlarına busə göndərib.
19 yaşlı Cövhər Tsaranayevə qarşı 30 ittiham irəli sürülüb. Bunlardan biri silahdan istifadə edərək, kütləvi qırğın törətməkdir.
Bu cinayət işində şübhəli bilinən ikinci şəxs Cövhər Tsaranayevin böyük qardaşı 26 yaşlı Teymurləng Tsaranayevdir ki, təqib edildiyi zaman polis tərəfindən vurularaq, öldürülüb.
Bu iki qardaş əslən çeçenistanlı və müsəlmandırlar. Onlar on ilə yaxındır ki, Amerikada yaşayırdılar.