Tacikistan prezidenti İranın Tacikistanın xarici siyasətində özünəməxsus yerə malik olduğunu bəyan edərək deyib: Bütün inkişaf sahələrində İranla əməkdaşlığa malik olacağıq.
İmaməli Rəhman xarici ölkələrin səfirlərinin də iştirak etdiyi Tacikistan Xarici İşlər Nazirliyinin yeni binasının açılış mərasimində əlavə edib: Ötən 7 il ərzində İran İslam Respublikası ilə Tacikistanın iqtisadi və ticarət münasibətləri çox inkişaf etmişdir. Belə ki, bu münasibətlərin nəticələrini ölkənin hər bir yerində müşahidə etmək mümkündür.
Tacikistan prezidenti müştərək yol, dəmiryollarının çəkilməsi və neft və qaz layihələrinə toxunaraq bildirib: Bu proqramlarda məqsəd region ölkələri, xüsusilə də İran, Tacikistan və Əfqanıstan xalqları üçün münasib şəraiti yaratmaqdır.
“İran İslam Respublikası, Əfqanıstan və Pakistan rəsmiləri ilə belə proqramlar və layihələr istiqamətində dəfələrlə danışıqlar aparılmışdır” –deyə İmaməli Rəhman söyləyib.