İranın xarici işlər naziri regionun bütün ölkələrinin Suriyada vəhdət və birliyi himayə etmələrini bütün regionun təhlükəsizliyinin xeyrinə adlandırıb.
Əli Əkbər Salehi bazar ertəsi günü Londonda çıxan “Əl-Həyat” qəzeti müxbirinə Ərəbistanın Ciddə şəhərində verdiyi açıqlamada deyib: Bütün ölkələr İran kimi Suriyanın birliyi və hakimiyyətini dəstəkləməlidirlər. Çünki bu hərəkət bütün regionun stabilliyi və təhlükəsizliyinin xeyrinədir.
İran xarici işlər naziri Suriyada siyasi boşluq və yaxud bu ölkənin bölünməsi ilə əlaqədar istənilən plan barəsində xəbərdarlıq edib və deyib: bu hərəkət bütün region ölkələrinə təsir qoyacaq və problem yaradacaq.
Salehi əlavə edib ki, Suriya hökuməti və müxalifləri müzakirə masası arxasında əyləşməlidirlər.