BMT öz sülhməramlılarını Colan yüksəkliklərindən və işğal olunmuş Fələstinlə Suriya arasındakı təmas məntəqəsindən geri çəkmək niyyətindədir. Bu haqda BMT baş katibinin sözçüsü Martin Nəsirki deyib.
M.Nəsirki bunun səbəbini məntəqədə vəziyyətin xeyli gərginləşməsi adlandırıb və deyib: BMT sülhməramlıları çox təhlükəli və qeyri-təbii şəraitdə fəaliyyət göstərirlər.
BMT-nin bu qərarı 4 mavi beretlinin Əsəd hökuməti ilə müxalif olan qüvvələr tərəfindən oğurlanmasının ardınca çıxarılıb.
Bu, ikinci dəfədir ki, Əsəd hökuməti ilə müxalif olan yaraqlılar BMT sülhməramlılarını oğurlayırlar.