Azərbaycan Respublikasında şair və Əhli Beyt(ə) mərsiyəxanının anım mərasimi keçirildi
İran İslam Respublikasının Bakıdakı səfirliyində Baba Pünhan kimi məşhur olan Azərbaycan Respublikasının müasir şairi və mərsiyəxanı mərhum Atababa Mədədzadənin anım mərasimi keçirilib.
İran səfirliyinin mədəniyyət mərkəzi, Azəri birliyi və Bakı kəndləri cəmiyyətinin təşəbbüsü ilə keçirilən bu mərasimdə bir qrup şair, ədəbiyyatçı, tədqiqatçı, universitet müəllimi, şairin dostları və tanışları iştirak edib.
Azərbaycanlı tədqiqatçı Əli Əliyev bu mərasimdə Baba Pünhanın Kərbəla müsibəti və Əhli Beyt(ə) barəsindəki təsirli şerlərə malik olduğunu deyərək, vurğulayıb: Baba Pünhan böyük şairdir və xalqın ürəyində özünə yer etdiyi üçün heç vaxt unudulmayacaq. O, Azərbaycanın ötən əsrdəki şairləri o cümlədən Sabir, Əzim Əzimzadə, Mirzə Cəlil və Üzeyir Bəy ilə müqayisə edilə bilər.
Ə.Əliyev Atababa Mirzəzadənin Baba Pünhan kimi məşhurlaşmasını Sovet dönəminin boğucu atmosferi ilə əlaqələndirib və deyib: O, adi insanların barəsində fikirləşməyə belə cürət etmədikləri bəzi məsələləri şer dili ilə bəyan edərdi.
Bakının Səsi qəzetinin baş redaktoru Firudin Qurbansoy da bu mərasimdə Baba Pünhanın ictimai şerlərinin ilk dəfə olaraq bu qəzet tərəfindən dərc olunduğunu deyərək, Baba Punhanı öz şerlərində həqiqətləri bəyan edən bir xalq şairi adlandırıb.
Baba Pünhanın dostlarından olan yazıçı Hacı İlham da çıxış edərək, Baba Pünhanın şerlərində İmam Zamanın mədhinin böyük paya malik olduğunu vurğulayıb və deyib: O, eyni zamanda ictimai və satirik mövzularda da şerlər yazardı.
İran İslam Respublikasının Bakıdakı səfirliyinin mədəniyyət attaşesi İbrahim Nuri və İranın Azərbaycandakı səfiri Möhsün Pakayin də bu mərasimdə çıxış edərək, iki ölkənin bir çox mədəni, tarixi və dini ortaqlıqlara malik olduğunu xatırladıb və bu kimi mərasimlərin təşkil edilməsinin mədəni əlaqələrin möhkəmləndirilməsindəki roluna təkid ediblər.
Mərasimin davamında Azərbaycan Respublikası şairlərindən bir neçəsi Baba Pünhanın şerlərindən parçalar və onun barəsində yazdıqları şerlərini qiraət ediblər.
Baba Pünhan ləqəbi ilə məşhur olan və 5 noyabr 1948-ci ildə Bakıda dünyaya göz açan Atababa Mədədzadə 2004-cü il 17 aprel tarixində 56 yaşında infarkt nəticəsində vəfat edir.
Ondan dini, ictimai və satirik mövzularda yazılmış 6 şer kitabı yadigar qalıb. Baba Pünhanın ilk kitabı “Acı Həqiqət” adı ilə 2000-ci ildə işıq üzü görüb.
“Yalancı Goreşən” və “Mən nə dedim, kim nə apardı?” Atababa Mədədzadənin digər əsərləridir.
Onun Aşura barəsində yazdığı “Qanlı Səhra” mərsiyəsi Azərbaycan dilində mövcud olan ən kədərli mərsiyələrdəndir.
Baba Pünhan 13 yaşından şer deməyə başlayır və Azərbaycanın tanınmış Əhli Beyt(ə) şairlərindən olan Hacı Mail Nardaranlı tərəfindən təsis edilən Fizuli Ədəbi Məhfəlinin görkəmli üzvlərindən olub.