İslam İnqilabının Böyük Rəhbəri “bəzi zəif nöqtələr kənarında çoxlu müsbət nöqtələri görmək və reallıq” və “mömin və inqilabçı gənc nəsillə fəxr etmə”yi hazırkı həssas və mürəkkəb şəraitdə islam quruluşu rəsmilərinin əsas vəzifələrindən adlandırıblar.
İslam İnqilabının Böyük Rəhbəri Həzrət Ayətullahülüzma Xamenei bu gün Rəhbərlik Xübrəqan Məclisinin sədri və üzvlərini qəbulu zamanı bildiriblər: Milli və daxili saysız potensiallardan istifadə etmək, düşmənlərin düşmənçiliyindən qəflətdə olmamaq, zalım cəbhə ilə açıq-aşkar və şəffaf sərhədi yaratmaq, düşməndən qorxmamaq, xalqa arxalanmaq və cihad hərəkətini gücləndirmək, milli birliyi qorumaq və gücləndirmək, din və inqilab mədəniyyətinə diqqət yetirmək, dialoqu yaratmaq İran rəsmilərinin digər təhlükəli vəzifələrindəndir.
Dünya və regiondakı mürəkkəb və önəmli proseslərə toxunan İnqilab Rəhbəri özünə diqqət yetirməyi və öz vəzifəsini tapmağı bu dövrün məsuliyyətlərindən adlandırıb və əlavə ediblər: Belə bir şəraitdə İslam Respublikası quruluşunun bütün strukturları, o cümlədən Rəhbərlik Xübrəqan Məclisi dünya reallıqlarına əsaslı şəkildə diqqət yetirməlidirlər.
Həzrət Ayətullahülüzma Xamenei dünyanın hazırkı reallıqlarının bəzisini açıqlayaraq deyiblər: Bu vizual stabilliyin qarışmasının nişanələrindən biri Avropa və ABŞ-ın iqtisadi böhranıdır ki, onların iqtisadi iflasının əlamətləri elə indidən aşkarlanmaqdadır.
Qərbin sivilizasiya mentaliteti və elmi sütunlarının bir-birinin ardınca dağılması, ümumi fikrin ABŞ və digər qüdrətlərə nifrət etməsi və onların beynəlxalq imicinin korlanmasını dünyanın hazırkı nişanə və reallıqlarından adlandıran İslam İnqilabının Böyük Rəhbəri əlavə ediblər: Xalqların oyanışı, xüsusilə də İslami Oyanış və islami müqavimətin güclənməsi dünyanın hazırkı vəziyyətinin digər reallığıdır.
İnqilab Rəhbəri İslami Oyanış qarşısında bəzi şəxslərin mövqelər sərgiləməsinə toxunaraq bildiriblər: Hazırda aydın olub ki, bu oyanış tamamilə islamla əlaqədə olmuşdur və zahirdə onu söndürmələrinə baxmayaraq, özünəinam ruhu və islami mentalitet hissi heç vaxt aradan getməyəcək və elə indi də aradan getməmişdir.
“İran xalqının islami müqaviməti və başıucalığının inkişafı və bu xalqın istiqlaliyyətsevər əhval-ruhiyyəsi 35 ildən sonra da dünyanın hazırkı önəmli reallıqlarından biridir” –deyə Həzrət Ayətullahülüzma Xamenei xatırladıblar.
İslam İnqilabının Böyük Rəhbəri Amerika rəsmilərinin hərbi ritorika təhdidini sanksiyaların faydasızlığının nişanəsi adlandırıb və vurğulayıblar: Hazırda Müqavimət İqtisadiyyatının icrası barəsində üçlü qüvvələrin rəhbərləri, həmçinin hökumət rəsmiləri arasında mövcud olan fikir birliyi bu müjdəni verir ki, Allahın lütfü ilə, Müqavimət İqtisadiyyatı düşmənlərin sanksiyaları və məkrli planlarına qalib gələcəkdir.
– See more at: http://azeri.sahartv.ir/news/inqilab-r%C9%99hb%C9%99ri-r%C9%99hb%C9%99rlik-x%C3%BCbr%C9%99qan-m%C9%99clisinin-%C3%BCzvl%C9%99rini-q%C9%99bul-edibl%C9%99r-21996#sthash.Ls4qPwTl.dpuf