İİR ordusunun dəniz qüvvəsinin əməliyyat üzrə müavini söyləyib: Bu qüvvənin 29-cu hərbi gəmi qrupu Ədən körfəzi , Qırmızı dəniz və Hindistan okeanında 90 gün əməliyyat keçirərək bu gün Omanın Məsqət limanına daxil olub.
General Siyavəş Cerhə söyləyib: Bu hərbi gəmi qrupu İİR-nin sülh və dostluq mesajını çatdırmaq eləcə də İmam Xomeyni universitetinin dəniz elmləri tələbələrini təlim üçün səfər etmişdir.
İİR dəniz qüvvəsinin əməliyyat üzrə müavini həmçinin 30-cu hərbi gəmi qrupunun İranın ticari və neft daşıyan gəmilərinin təhlükəsizliyinin təmini üçün beynəlxalq sulara köçürülməsi xəbərini verib.
İran ordusunun 30-cu hərbi gəmi qrupu missiyası müddətində Ədən körfəzi , Qırmızı dəniz , Babülməndəb boğazı və Hindistan okeanının şimalında dəniz quldurları ilə qarşılaşaraq İranın ticari və neft daşıyan gəmilərinin təhlükəsizliyin təmin edərək Afrikanın cənubuna gedəcək.
