Rusiya Dövlət Dumasının sədr müavini Sergey Baburin ABŞ-ın İrana qarşı birtərəfli sanksiyalarını tənqid edərək, bu sanksiyaların Tehran ilə 5+1 Qrupu arasında baş tutacaq növbəti müzakirələrdə pozuculuq törətmək məqsədini daşıdığını bildirib.
Baburin cümə axşamı deyib: Amerikanın İran qarşısındakı mövqeyi İran ilə 5+1 Qrupu ölkələri o cümlədən Amerika, İngiltərə, Fransa, Rusiya, Çin və Almaniya arasında aparılan müzakirələrin məqsədlərinə tamamilə ziddir və Vaşinqton bu müzakirələrdə pozuculuq törətmək niyyətindədir. Elə buna görə də müzakirələr ərəfəsində İrana qarşı birtərəfli qaydada əlavə sanksiyalar tətbiq edib.
Amerika və onun avropalı müttəfiqləri əsassız ittihamlara istinad edərək, İranın nüvə proqramının hərbi məqsədlərə malik olduğunu iddia və bu bəhanə ilə İrana qarşı qeyri-qanuni və birtərəfli sanksiyalar tətbiq edirlər.
ABŞ-ın Xəzinədarlıq Nazirliyi fevralın 6-da İranın neft gəlirlərini hədəfə alan yeni sanksiyalar nəzərdə tutub. Bu sanksiyalar İranın neft satışı yolu ilə əldə etdiyi gəlirlərin İrana daxil olmasına mane olur.
Baburin bildirib ki, İran öz xoşməramlılığını müzakirələrdə sübuta yetirib və indi öz xoşməramlılığını sübut etmək növbəsi Qərbindir.
Rusiya Dövlət Dumasının sədr müavini Atom Enerjisi üzrə Beynəlxalq Agentliyin müfəttişləri tərəfindən İranın nüvə mərkəzlərinə 7300 nəfər saat baxışın keçirilməsinə işarə edərək, deyib: AEBA ilə belə bir səviyyədə əməkdaşlıq dünyada misilsizdir.
Sergey Baburin sonda deyib: Bu məsələ İranın xoşməramlılığını sübut edib. Amma, Qərb bu gerçəkliyi sanki görmür, ona laqeyd yanaşır.
İran və 5+1 Qrupu arasındakı müzakirələrin növbəti dövrü fevralın 25-də Qazaxıstanda keçiriləcək.