İslam Əməkdaşlıq Təşkilatının baş katibi fələstinli əsirlər məsələsinin beynəlxalq bir məsələyə çevrilməsini istəyib.
Səhər telekanalı internet portalının əl-Vətən xəbər portalına istinadla verdiyi məlumata görə, Əkmələddin Ehsanoğlu sionist rejim zindanlarında aclıq aksiyası elan etmiş fələstinli əsirlərin vəziyyətindən nigaranlıq edərək deyib: Fələstinli əsirlər öz qanuni tələblərinin təmin edilməsi üçün himayə və dəstəyə ehtiyaclıdırlar.
Ehsanoğlu fələstinli əsirlər məsələsinin beynəlxalq bir məsləyə çevrilməli olduğunu deyərək sionist rejim həbsxanalarında olan fələstinli əsirlərin məsələsinin beynəlxalq qurum və təşkilatlar tərəfindən araşdırılmasını tələb edib.
İslam Əməkdaşlıq Təşkilatı İƏT-in baş katibi fələstinli əsirlərin öz qanuni və təbii haqlarının əllərindən alınmasına etiraz olaraq aclıq aksiyasının keçirildiyini bildirərək deyib: Fələstinli əsirlər məsələsinin beynəlxalq bir məsləyə çevrilməsi sionist rejimin irqçi və işğalçı siyasətlərinin daha artıq ifşa edilməsinə, bu rejim tərəfindən beynəlxalq qanunlar və konvensiyaların kobud şəkildə pozulmasının üzə çıxmasına, habelə bunun Fələstin xalqının hüquqlarının təmin edilməsi üçün İsrail rejiminə təzyiqlərin göstərilməsinə səbəb olacaq.