BQAC-nin Qəzzə üzrə sədri ərazidə insani vəziyyətin çox acınacaqlı olduğunu bildirib.
Kristiyan Kardon Qəzzədə Əşşərqül-övsət qəzetinə verdiyi açıqlamada Qəzzə zolağında işsizlik, yoxsulluq və infliyasiya göstəricisinin artdığını, yanacaq və əmtəə mallarının çatışmadığını bildirərək bu vəziyyətin 1,8 milyonluq əhalinin səhiyyə vəziyyəti eləcədə ərazidəki infrastrukturlar üçün mənfi nəticələrinə dair xəbərdarliq edib.
Kardon Qəzzə ilə Misir sərhəddində tunellərin dağıdılması ilə ərazidə böhranın artdığını bildirib.
Sionist rejim 2007-ci ildən Qəzzə zolağına qarşı hərbi mühasirə həyata keçirib və dərman, yanacaq və ərzaq məhsullarının bu ərazilərə idxal olunmasına imkan vermir. Misir Prezidenti Mursinin hökumətinin devrilməsindən sonra hakimiyyətə keçən hərbçilər Misir ilə qəzzə zolağı arasında ki tunelləri dağıdaraq bu vasitə ilə qəzzəyə əmtəə mallarının daşınmasını da əngəllədilər. Yaranmış durum Qəzzə zolağında insani faciəni şiddətləndirmişdir.