Liberman: Cenevrə anlaşması İran diplomatiyasının ən yaxşı qələbəsidir

İsrail rejiminin xarici işlər naziri Cenevrə anlaşmasını İran İslam Respublikasının diplomatiyası üçün ən yaxşı qələbə adlandırıb.

Sionist rejimin xarici işlər naziri Aviqdor Liberman bu gün İranla 5+1 qrupu arasında Cenevrədə nüvə anlaşmasına reaksiyada deyib: Bu anlaşma İran üçün ən yaxşı diplomatiya qələbəsidir və buna əsasən İran üçün uranın zənginləşdirilməsi rəsmən tanınıb.

Sionist rejimin maliyyə naziri Yair Lapid də deyib: İran və 5+1 qrupunun anlaşması pis anlaşmadır və İranın nüvə fəaliyyətlərinin dayandırılmamasına səbəb olur.

Yair Lapid əlavə edib: İran və 5+1 qrupunun Cenevrədə nüvə anlaşması beynəlxalq ictimaiyyətin nüvə müzakirələrində İsrailin mövqeyini dəstəkləmədiyini göstərir.

Sionist rejimin iqtisad naziri Neftali Bent də deyib: Cenevrə anlaşması İsrailin fikrincə, pis və qəbuledilməz anlaşmadır.