İran və 5+1 Qrupu arasındakı nüvə müzakirələrinin 2-ci etapı da başa çatdı.
İran və 5+1 Qrupu arasındakı Almatı müzakirələrinin 2-ci etapı başa çatıb və müzakirə tərəfləri danışıqların ekspertlər səviyyəsində İstanbulda davam etməsi haqda razılığa gəliblər.Bir İran mənbəyinin bildirdiyinə görə, 5+1 Qrupu yalnız İranın Moskva müzakirələrindəki təkliflərini cavablandırıb və heç bir yeni təklif irəli sürməyib.
İran və 5+1 Qrupu arasındakı Almatı müzakirələrinin 1-ci etapı dünən Rikson otelində keçirilib və 3 saat davam edib.
İranın Ali Milli Təhlükəsizlik Şurasının katibi Səid Cəlili bu gün səhər müzakirələrin 2-ci etapından öncə 5+1 Qrupunun koordinatoru və Avropa Birliyinin xarici siyasət üzrə məsul şəxsi Katrion Eşton və Qazaxıstanın xarici işlər naziri ilə görüşüb.
Rusiya xarici işlər nazirinin müavini Sergey Ryabkov da İran ilə 5+1 Qrupu arasındakı müzakirələri konstruktiv və faydalı adlandırıb.
S.Ryabkov İranın nümayəndə heyəti ilə görüşünə işarə edərək, müzakirələrin konstruktiv olduğunu deyib.
Rusiya xarici işlər nazirinin müavini Almatı iclasının detallarına işarə etmədən, müzakirələr haqda əlavə məlumat verməyib.
Rusiya qərb ölkələrinin əksinə olaraq, İranın nüvə fəaliyyətlərinin dinc məqsədlər üçün olduğuna təkid edir.
İranın Almatı müzakirələrində iştirak edən nümayəndə heyətinin bir üzvü də deyib: İranın Almatı iclasında 5+1 Qrupuna təqdim etdiyi təklif paketi Rusiyanın “Addım-Addım” layihəsinə oxşayır və onun təkmilləşdirilmiş versiyası hesab olunur.
Bu arada Almatı müzakirələrində iştirak edən media vasitələri də qərb mənbələrinə istinadla bildiriblər ki, 5+1 Qrupunun təklif paketi Qərbin İrana qarşı birtərəfli sanksiyalarının müəyyən hissəsinin ləğv edilməsini nəzərdə tutur. Belə ki, bu təklif paketi qızıl və qiymətli metalların ticarəti və bəzi bank əməliyyatlarına tətbiq edilmiş sanksiyaların ləğv edilməsi üzrədir.
İran və 5+1 Qrupu arasında indiyə kimi 3 dəfə Cenevrədə, 2 dəfə İstanbulda, bir dəfə Bağdadda, bir dəfə də Moskvada müzakirələr həyata keçirilib.