Fələstin islami müqavimət hərəkatı HƏMAS Ərəb-Afrika ölkələrinin sammit iclasının iştirakçılarını Qəzzə zolağına qarşı tətbiq edilmiş blokadanın ləğv edilməsi üçün lazımı səylər göstərməyə çağırıb.
HƏMAS hərəkatının siyasi bürosunun üzvü İzzətül-Rəşq Küveytdə keçiriləcək Ərəb-Afrika ölkələri sammitinin bütün iştirakçılarını sionistlərin Qəzzə zolağına qarşı zalımcasına mühasirəsinin ləğv edilməsi üçün konstruktiv qərar və təşəbbüslərə çağırıb.
3-cü Ərəb-Afrika sammit iclası bu gün Küveytdə öz işinə başlayacaq və iki gün davam edəcək. İclasın mövzusu ” inkişaf və investisiyada ortaqlıq”-dan ibarətdir.
Sionist rejim 2007-ci ildən Qəzzə zolağına qarşı mühasirəni daha da gücləndirib.