İranın xarici işlər naziri İran İslam Respublikasının qarşılıqlı hörmət və bir-birinin işlərinə qarışmama kimi iki prinsip əsasında dünyanın bütün ölkələri ilə dostluq əlaqə və əməkdaşlıqlarındakı prinsipial və sabit siyasətinə təkid edib.
Məhəmməd Cavad Zərif Tehrandakı səfirlər və xarici nümayəndəliklərin başçıları ilə ilk görüşündəki çıxışında təhlükəsizlik və sabitliyi müasir dünyada bir-birinə bağlı məsələlər adlandırıb.
O, vurğulayıb: Kütləvi qırğın silahlarının əldə olunması və işlədilməsi dini və islami təlimlər, eləcə də beynəlxalq qayda və qanunlarla ziddir və İran İslam Respublikasının doktrinasında heç bir yerə malik deyil.
İranın xarici işlər naziri Tehranın nüvə proqramının dinc məqsədli olmasına və bir çox ölkənin bunu etiraf etməsinə işarə edərək, İranın nüvə texnologiyasından sülhsevər istifadə haqqının rəsmən tanınması vacibliyini vurğulayıb.
Zərif eyni zamanda şəffaflıq və qaranlıq vəziyyətin aradan qaldırılması üçün İran İslam Respublikasının Atom Enerjisi üzrə Beynəlxalq Agentlik və 5+1 qrupu ilə həmkarlığı davam etdirməyə hazır olduğunu bildirib.
O, bu məsələnin həmin ölkələrdə ciddi iradənin olmasına ehtiyaclı olduğunu bildirib.
İranın xarici işlər naziri çıxışının digər bir hissəsində Suriyada kimyəvi silahın işlədilməsi bəhanəsi ilə bu ölkəyə hərbi hücum barədəki son atmosferyaratmaya işarə edərək, kimyəvi silahın qurbanı kimi İran İslam Respublikasının hərbi seçim və gücdən istifadə ilə qətiyyətlə müxalif olduğunu, eləcə də hər kəs tərəfindən kimyəvi və kütləvi qırğın silahlarının hər cür işlədilməsinin pislənilməsi üzrə prinsipial siyasətini vurğulayıb.