Aprel ayında keçiriləcək prezident seçkilərini boykota çağırış üçün müxalifətin minlərlə tərəfdarı Əlcəzair paytaxtında mitinqdə iştirak ediblər. Bu barədə Trend BBC telekanalına istinadən məlumat verir.
Müxalifət partiyaları dördüncü dövr üçün seçilmək niyyətində olan ölkənin hazırkı prezidenti Əbdüləziz Buteflikanın seçkilərdə iştirakının əleyhinədirlər.
77 yaşlı hazırkı prezident xəstədir və ötən il infakt keçirib. Müxalifət hesab edir ki, Butəflika çox qocadır və artıq ölkəni idarə etmək iqtidarında deyil.
Həmin məlumata görə, prezident son aylarda kütlə qarşısında nadir hallarda görünüb, lakin hakim Milli Azadlıq cəbhəsi, həmçinin hərbi və biznes elitalari tərəfindən dəstəklənməsi demək olar seçkilərdə onun qələbəsinə zəmanət verir.
