ABŞ rəsmiləri Masaşoset Politexnik İnstitutunda baş vermiş silahlı insident ilə Bostonda Marafon yarışları zamanı baş verən partlayışlar arasında bir bağlantının olmasından xəbər veriblər.
APTN-in məlumatına görə, Midl Soks məntəqəsinin rəsmiləri cümə günü bildiriblər ki, Boston partlayışlarında əli olmaqda şübhəli bilinən şəxs cümə axşamı Masaşoset Politexnik İnstitutunda bir polis əməkdaşını qətlə yetirdikdən sonra qaçıb.
Şübhəli şəxslərin təqibi zamanı şübhəlilərdən biri aldığı yaralar nəticəsində həyatını itirib.Digər şübhəli şəxs isə qaçmağa nail olub.
Federal Təhlükəsizlik Bürosu bu iki şübhəli şəxsin fotoşəkillərini yaymışdı.
Boston şəhərində Marafon yarışları zamanı qısa fasilələrlə iki partlayışın baş verməsi 3 nəfərin ölümünə, yüzdən artıq insanın yaralanmasına səbəb olmuşdu.
Yaralılardan 14 nəfərinin vəziyyəti ağır elan olunub.