Deyli Teleqraf 2003-cü ildə ABŞ-ın İraqa olan hücumuna işarə edərək, Suriyanın kimyəvi silahdan istifadə etməsi iddiasına şübha ilə yanaşıb və yazıb: Bir neçə il öncəki səhvimizi bir daha təkrarlamamalıyıq.
Deyli Teleqraf Tim Stenli tərəfindən qələmə alınmış məqalədə yazır: Qərb bir dəfə İraqa hücum etməklə səhvə yol verib. Və yenə də uydurma bir iddiaya uyaraq, həmin səhvi Suriyada təkrarlamamalıdır.
Stenli yazır: Məsələ burasındadır ki, əgər Əsəd kimyəvi silahdan istifadə etsəydi, bu yalnız müxaliflərin xeyrinə olardı. Çünki, bu işlə Suriyada gedən toqquşmalar beynəlxalq məsələyə çevrilmiş olacaqdı. Bu isə müxaliflərin uzun zamandır nail olmağa çalışdıqları məsələdir.
Əgər Əsəd kimyəvi silahdan istifadə etmiş olsa belə, nə üçün Qərb ona qarşı addım atmalıdır? Biz, heç bir beynəlxalq müqaviləyə əsasən belə bir öhdəliyə sahib deyilik və ABŞ Konstitusiyasında da belə bir məsələ müharibəyə başlamaq üçün səbəb kimi qeyd olunmur.
T.S.Elyot yazır: Ən böyük xəyanət odur ki, doğru olan işi yalan bəhanə ilə yerinə yetirək.