İran xalqının seçdiyi prezident xalqa müraciətində bildirib: Şübhəsiz bu seçkilərin qalibi sizsiniz. Sayıqlıqla, dincliklə, ümidvarlıqla, Allaha imanla və dini demokratiyaya etimadla milli mənafe və izzət yolunda böyük və möhkəm addım atdınız.
Höccətülislam Həsən Ruhani xalqın seçdiyi prezident olaraq İran İslam Respublikası televiziyasından yayımlanan İran xalqına öz təşəkkür müraciətində İslam İnqilabının Böyük Rəhbəri və siyasi qəhrəmanlığın yaradılmasında İran xalqı kütlələrini alqışlayıb.
Bu müraciətin mətni belədir:
بسم الله الرحمن الرحیم
ان تنصروالله ینصرکم و یثبت اقدامکم
Allaha şükür edirəm ki, bir daha məntiq və mötədillik (tarazlıq) günəşini İrana parlatdı və bu xalqın vəhdət və birliyi dünyaya səs saldı.
İranın başıuca xalqı!
Dini və mili vəzifələrin yerinə yetirilməsi və İslam İnqilabının Böyük Rəhbərinin səsinə səs vermənizdə sizin təsirli, mənalı və qəhrəmancasına iştirakınız mübarək olsun.
Şübhəsiz bu seçkilərin qalibi sizsiniz. Sayıqlıqla, dincliklə, ümidvarlıqla, Allaha imanla və dini demokratiyaya etimadla milli mənafe və izzət, eləcə də tarazlıq, islahat və tədbirə əsasən idarəçilik yolunda böyük və möhkəm addım atdınız.
Siz nümayiş etdirdiniz ki, Allah-taala heç bir xalqın öz istəyi olmadan dəyişikliyini gerçəkləşdirmir. Bu qələbə ifratçılıq və pis əxlaqa məntiqli qələbə, tarazlıq qələbəsi, inkişaflıq qələbəsi və məsuliyyətlik və dindarlıq qələbəsidir. Belə ki, İranın hər bir yerindən, bütün kənd və şəhərlərdən bu səs ucaldı. İran və iranlıları bir daha dünyanın hər bir yerində başıuca etdi.
Bu fəxrli qələbə münasibəti ilə siz şərafətli və böyük xalqın kişi-qadınını, qoca-cavanı, daxil-xaricdəkini, bütün etnosları, din və məzhəblərin ardıcıllarını təbrik edir və alqışlayıram.
İmam Xomeyni (rə), İslam İnqilabı və Müqəddəs Müdafiənin ali məqamlı şəhidlərinin xatirəsini yad edirəm.
Dini hövzə və universitetin bu kiçik övladı İslam İnqilabının Böyük Rəhbəri, böyük təqlid mərcələri, əziz ruhaniləri, ölkənin ziyalılarına xüsusi təşəkkürünü bildirir. Belə ki, onlar şücaət və ustalıqla xalqa ümid ruhu bəxş etdilər və şübhəsiz bu könüllü hərəkətdə rolu olan quruluşda parlaq simalardan Ayətullah Haşimi Rəfsəncani və Höccətülislam vəlmüslimin Seyid Məhəmməd Xatəminin ümidverici rolu alqışa layiqdir.
Habelə Konstitusiyaya Nəzarət Şurası, üçlü qüvvələr, Daxili İşlər Nazirliyi, icraiyyə, nəzarət və hüquq-mühafizə qüvvələrinə seçkilərdə göstərdikləri səylərə görə təşəkkürümü bildirirəm.
Mənim İran xalqım! Sizinlə bağladığım əhdə sadiq qalacağam və sizin xeyir duanız, davamlı iştirakınız və dəstəyinizə arxalanaraq bu fəxrli yolun sonuna qədər dayanmayacağam.
Şübhəsiz siyasi səhnədəki bu izzətli iştirak iqtisadiyyat sahəsində dinclik, stabillik və ümid müjdəçisi olacaq və işçilər, kənd təsərrüfatçıları və digər sahələrdə çalışanların möhkəm səyi istehsal və iş yerlərinin açılmasında hərəkət və bərəkət dalğasını yaradacaqdır.
Bu yeni mərhələ ərəfəsində, yeni fürsət yaranmışdır ki, beynəlxalq səhnədə həqiqətən də demokratiya, anlaşma və azad danışıqlar və haqlılığın ardınca olanlar bu böyük xalq qəhrəmanlığını görməklə İran İslam Respublikasının hüququna hörmətlə yanaşaraq və məntiqli şəkildə onu qəbul edərək bu böyük xalqla danışacaqlar ki, münasib cavab da eşitsinlər və qarşılıqlı mənafeyə əsasən münasibətlərin genişləndirilməsinə səy göstərməklə region və dünyada sülh, təhlükəsizlik və inkişafı möhkəmləndirsinlər.
İnanaq ki, xalqın səyi ilə həmrəyliyin yeni səhifəsi açılmışdır.
Bir daha bu xalqın sensasiya yaradacaq gücünə inanaq və bütün ziyalılar və layiqli şəxslərin köməyi ilə bu vəfalı xalqa yeni düzən bəxş edək.
Mən bu yolda bütün mötədillər, islahatçılar, üsulçuların əlini səmimiliklə sıxır və məni öz etimadlarına layiqli hesab edən bütün şəxslərdən bu yolun davam etməsində kömək və əməkdaşlıq istəyirəm. İştirakı və rəqabəti ilə siyasi qəhrəmanlığın yaranması və mövqelərin şəffaflığına kömək edən bütün digər namizədlərə təşəkkürümü bildirir və xalqa xidmət yolunda onların köməklərini gözləyirəm.
Ümidvaram ki, digər hörmətli namizədlərə səs verənlər də məni özləri üçün səmimi xidmətçi hesab edərlər. Çünki mən özümü İran xalqının hüquqlarının müdafiəçisi hesab edir və Allah-taaladan əziz İrana xidmət etmək yolunda Tədbir və Ümid hökumətinə uğur və İran xalqı üçün başıucalıq arzulayıram.
Uğurlar! Qalib olun!