Abgül Süleymanov Ali Məhkəməyə şikayət verə bilər

Azərbaycan Respublikasında anti İslam siyasətlərə etiraz etdiyinə görə həbs olunmuş Ruhani Hacı Abgül Süleymanovun apellyasiya şikayətinə ilkin baxışdan Ali Məhkəməyə şikayət verilə bilər.

Vəkil Cavad Cavadlı açıqlamasında bu barədə deyib : “İlkin baxışda vəsatət qaldırdıq ki, apellyasiya şikayətinə məhkəmə istintaqı aparılaraq baxılsın. Amma istəyimiz qəbul edilmədi. Bu qərardan narazı qaldığımıza görə, çox güman, kassasiya şikayəti verəcəyik. Abgül Süleymanovla məsləhətləşdikdən sonra konkret qərar qəbul olunacaq”.

Hacı Abgül Süleymanov 2011-ci ilin avqust ayında həbs olunub, 11 il müddətinə azadlıqdan məhrum edilib. Məhbus ruhani zindanda da islami təbğatını davam etdirdiyinə görə qanunsuz tənbehlərlə üzləşib. Aprelin 24-də Qaradağ Rayon Məhkəməsi ruhanini digər məhbuslardan təcrid etmək məqsədi ilə onun 6 ay müddətinə Qobustan həbsxanasına köçürülməsi haqqında qərar çıxarıb. Mayın 10-da vəkili bu qərardan Bakı Apellyasiya Məhkəməsinə şikayət verib. Apellyasiya şikayətinə iyulun 23-də baxılacaq.