Ötən 3 ayda İraqda gedən toqquşmalar və terror aktları nəticəsində 2500 nəfər həyatını itirib. Son 14 gündə isə bu rəqəm 330 nəfərə çıxıb.
Belə ki, cari ay hələ yarı olmamış İraqda müxtəlif terror aktlarında 330 nəfər həyatını itirib.
Fransa xəbər agentliyinin məlumatına görə, İraq ötən 3 ay ərzində terror aktlarının şiddətlənməsinin şahidi olub.
BMT tərəfindən təqdim olunmuş statistik məlumatlara görə, ötən 3 ay ərzində bu ölkədə 2500 nəfər ölüb. Belə ki, yalnız iyun ayında 167 nəfər həlak olub.
İraq Kürdüstanının yerli hakimiyyətinin başçısı Məsud Barizani ilə İraqın baş naziri Nuri Maliki arasında baş tutan görüşdə iki tərəf arasında əldə olunmuş anlaşmanı əsas götürərək, belə nəzərə gəlir ki, əl-Qaidə terrorçuları və buraxılmış Bəəs partiyasının qalıqları vəziyyəti gərginləşdirmək məqsədilə ölkə səviyyəsində terror aktlarını genişləndiriblər.